केयूको प्रेरणादायक इन्जिनियरिङ सोच

काभ्रे । अक्टोबर १, २०२४ मा हल्ट प्राइज केयूले इपेक्स (EEPEX) र काठमाडौं युनिभर्सिटी स्कुल अफ म्यानेजमेन्ट इन्फर्मेसन सिस्टम क्लबको सहकार्यमा स्टेममा महिलाहरूको सम्मान र सशक्तीकरण गर्ने उद्देश्यले “शी लिड्सः प्रेरणादायक ईन्जिनियरिङ् सोच” नामक एक कार्यक्रम आयोजना गरेको छ ।
यस कार्यक्रमको उद्देश्य आउँदो पुस्ताको महिला ईन्जिनियरहरूलाई प्रेरित गरिएको थियो । जसमा प्रतिष्ठित अतिथिहरूले पुरुष प्रधान क्षेत्रका चुनौतीहरू उजागर गर्दै आफ्नो यात्रा र अन्तर्दृष्टि साझा गरिएको थियो । नेपालको इञ्जिनीयरिङ परिदृश्यलाई नयाँ आकार दिने महिलाहरूको विविध विशेषज्ञतालाई उजागर गर्दै ऊर्जा कूटनीतिदेखि सिभिल तथा इलेक्ट्रिकल इञ्जिनीयरिङ र सूचना प्रविधि सुरक्षासम्मलाई जोड दिएको थियो ।
ऊर्जा प्रणाली योजना र ग्रामीण विकासको क्षेत्रमा गतिशील व्यक्तित्व डा. अन्जु शर्माले प्यानलको शीर्षक प्रस्तुत गर्दै ग्रामीण प्रविधि केन्द्र, नेपालकी निर्देशक डा. शर्माले ग्रामीण समुदायको उत्थानका लागि ऊर्जा कूटनीति उपयोग गर्दाको अनुभव सुनाउनुका साथै ऊर्जा सुरक्षा, वातावरणीय दिगोपना र ऊर्जा समानतालाई सन्तुलित गर्नुपर्नेमा जोड दिएकी थिइन् ।

मेरिकन कन्सल्टेन्टकी सिनियर इञ्जिनियर करुणा अमात्यले आफ्नो समुदायमा पहिलो महिला सिभिल इञ्जिनियरको रुपमा अग्रणी भूमिका निर्वाह गरेको बताउँदै विराट नर्सिङ होम एण्ड रिसर्च सेन्टर जस्ता महत्वपूर्ण परियोजनाहरूमा काम गरिसकेकी अमात्यले “ऐश्वर्य विद्या पुरस्कार” प्राप्त देखि ऐतिहासिक निर्माण परियोजनाहरूको नेतृत्व गर्दाको आफ्नो यात्राको बारेमा बताएकी थिइन् ।
मोना न्याछ्योन, एक अग्रणी आईटी सुरक्षा फर्म मोनाल टेककी संस्थापक हुन् । एक दशकभन्दा बढीको अन्तर्राष्ट्रिय अनुभवको साथ, मोनाले एक महिला सीईओको रूपमा प्राविधिक क्षेत्रमा नेतृत्व गर्नुको चुनौतीहरूको बारेमा छलफल अगाडि बढाएकी थिइन् । विविध कार्यबलको निर्माण र बलियो नेतृत्वको महत्वको बारेमा आफ्नो धारणा राख्दै ५ पुरुषलाई पछि पारेर नेसनल कलेज अफ इन्जिनियरिङको इलेक्ट्रिकल विभागको उपप्रमुख बनेकी राधिकाकुमारी साहले अवरोध तोडेको कथा सुनाएकी थिइन् । कुनैपनि क्षेत्रमा एक्लो महिला हुनु चुनौतीपूर्ण हुन सक्छ, तर पुनरुत्थान र जुनूनको साथ, तपाईं फस्टाउन सक्नुहुन्छ भन्दै युवा महिलाहरूलाई आत्मविश्वासका साथ नेतृत्वदायी भूमिकाहरू पछ्याउन प्रेरित समेत गरिएको थियो ।